Их Буучдын төлөө нэгэн цагт зүтгэж явсан Тоттенхэм багийн тоглогч Адебайор аваргуудын лигт орох Арсеналын хүслийг үгүй хийх тухайгаа орон нутгийн сонинд ярьжээ. “Миний толгойд яг одоогоор Тоттенхэмийн амжилтын тухай л бодогдож байгаа. Тийм ч учраас бид аваргуудын лигийн байрлалыг тийм амархан алдахгүй. Арсенал бол өнгөрсөн амьрал маань. Яг одоо бол би Тоттенхэмийн төлөө л тоглож байгаа. Бид Арсеналын хүслийг үгүй хийнэ. Түүндээ ч итгэлтэй байгаа” гэж Эмануэль Адебайор Миррорс сонинд ярьжээ. Тэрээр Францын Монако клубээс гурван сая фунтээр зарагдаж 2006 онд Их буучдын эгнээнд нэгдэж байсан юм. Их буучдын төлөө тэрээр 46 гоол оруулсан нэгэн. Тэрээр энэ улирлын эхээр Тоттенхэмчүүдийн эгнээнд албан ёсоор нэгдэж, дөрвөн гоол оруулаад байгаа билээ. Тоттенхэм клуб одоогийн байдлаар их буучдын ард нэг онооны дутуугаар тавдугаар байрт бичигдэж байгаа юм. Тоттенхэмчүүд өнөөдөр Стоук клубтэй таарч тоглоно.