Барилгын компаниудын 90 хувь нь арилжааны банкнуудаас өндөр хүүтэй зээл авч ажилладаг гэсэн статистик гарчээ. Барилгын ажил эхлүүлэх, үргэлжлүүлэх зөвшөөрөл нь шат дамжлага олонтой байдаг нь орон сууцны үнэ нэмэгдэх нэг шалтгаан болдог. Тиймээс барилга, хот байгуулалтын барилгын ажил эхлүүлэх, үргэлжүүлэхэд цуглуулдаг гарын үсгийн тоог цөөлж, хугацааг бууруулах ажлыг хийж эхэлжээ. Мөн барилгын гол нэрийн материалын үнийг тогтворжуулахаар Монгол банктай хамтарч үнэ тогтворжуулах дэд хөтөлбөр баталсан юм. Энэ ажлын хүрээнд 370 тэрбум төгрөгийг цемент, арматурын бизнес эрхлэгчдэд олгож эхэлжээ. Одоогийн байдлаар 100 тэрбум төгрөгийг аж ахуйн нэгжүүдэд өгөөд байгаа гэнэ.

Орон сууцны үнэ өсөхөд голлон нөлөөлдөг дэд бүтцэд зориулж Засгийн газраас энэ жил 200 тэрбум төгрөг хуваарилаад байгаа. Дэд бүтэц, инженерийн шугам сүлжээг улсаас шийдвэрлэж өгснөөр үнэ буурах нөхцөл бүрдэнэ гэж салбарын яамныхан үзэж буй юм.