-Манай мэргэжлийн хяналтын газар өнгөрсөн онд нэлээд томоохон аж­луудыг зохион байгуулан ажиллалаа. Ажилчдын маань уйгагүй хөдөл­мөрийн нөлөөгөөр хийсэн ажлаараа улсдаа тэргүүл­сэн. Өмнөх амжилтаа бататгах зорилгоор энэ онд томоохон зорилт тавин ажиллаж байна. Жишээл­бэл, аж ахуйн нэгжийн дотоодын хяналтыг нэгд­сэн тогтолцоонд шилжүү­лэн нэг мөр болгоно. Ажилчдынхаа нийгмийн асуудал болоод ажиллах баталгааг онцгой ан­хаарна. Эрсдэлд суурил­сан хяналт шалгалтыг зохион байгуулах, олон нийтэд хяналт шалгал­тынхаа дүн мэдээг тогтмол мэдээлэх гэхчлэн зорил­тууд бий. Төсвийн хууль, Хүнсний тухай хууль, Там­хины тухай хуулиудын хэрэгжилтийг онц­лон анхаарч байна. Хамгийн гол нь эрсдэлтэй объектоо шалгахад анхаарч байгаа юм. Үүний хажуугаар тө­лөв­лөгөөт бус шалгал­туудаа ч гэсэн хийж байна.

-Танай байгууллагад аль салбараас гомдол санал их ирдэг вэ?

-Сүүлийн үед өргөдөл гомдол ихээр ирж байна. Ялангуяа, зам барилга дэд бүтэц болоод байгаль ор­чин, уул уурхайтай холбоо­той гомдлууд ирж байгаа. Мөн хүнсний аюулгүй байдалтай холбоотой гомдол тасрахгүй байна. Бид гомдлын дагуу зөрчил дутагдлыг нь арилгахаар хүн, хүч зарцуулан ажил­лаж байгаа. Тодорхой хугацааны дараа үр дүн нь тодорхой болно.

-Ямар зөрчил зонхил­дог юм бэ?

-Манай аймагт жилд дунджаар 5000-7000 мянган зөрчил илэрдэг. Харин өнгөрсөн оны тухайд энэ тоо 4000 болж буурсан. Энэ нь манай албан хаагчдын ажлын үр дүн гэж ойлгох учиртай. Хоёрдугаарт, боловсролын салбар тэр дундаа “Үдийн цай” хөтөлбөрт зөрчил илрэх нь бий.

-Танай аймгийн сурагчид “Үдийн цай”-нд  хордож байсан байх аа?

-2008 онд тийм асуудал гарч байсан. Одоо бол тэр зөрчил бүрэн арилсан гэхэд болно. Ер нь зөрчил дутагдал нь үйл­чилгээний байгуул­лагад гарч байна. Нөгөө талаас худалдаа үйлчил­гээний салбар, уул уурхай, байгаль орчинд ч гэсэн байна. Гэхдээ уул уурхайн зөрчил нь  ноцтой хэм­жээнд бол хүрээгүй. Мөн­гөн ус, цианит гэх зүйл манай аймагт байхгүй.

-Хөшөөтийн уурхайд зөрчил дутагдал хэр гардаг бол?

-Хөшөөтийн уурхайн эзэд Өмнөговийн орд газ­руудтай барьцан асуудал үүсгэж байсан. Өмнө­говийн ордууд 2008 онд лицензээ авангуутаа бүтээг­дэхүүнээ экспортод гаргаж эдийн засгийн эргэлтэд оруулж байсан. Харин Ховд аймаг Хөшөөтийн уурхайг шууд үйл ажиллагаа явуулахыг нь зогсоосон. Үүний ул­маас шалгалт хийж шаард­лага хүргүүлсэн зарим төрийн байгууллагыг олон улсын арбитрийн шүүхэд өгсөн юм билээ. Гэхдээ бид үүнээс нь айхгүй. Тавих ёстой шаардлагаа тавиад явна. Улсын хамгаалалттай газраас нүүрс тээвэрлэх учраас эхний ээлжинд зам тавь гэсэн шаардлага тавьсан. Түүхий нүүрс хилээр гаргахгүй гэдэг шаардлага ч хүргүүлсэн.  Ингэсний үр дүнд Хөшөөтийн уурхай  2008 онд лицензээ авсан ч экспортод гаргаагүй. Энэ уурхайнхан 2012 оноос хойш экспортод 191, импортод 30 мянган тонн нүүрс нийлүүлсэн үзүү­лэл­тэй байна.

-Сүүлийн жилүүдэд Ховд аймагт “нинжа” элбэгших болсон шүү дээ. Үүнийг дагаад байгаль орчин эвдэрч сүйдэх байх?

-Гар аргаар алт олбор­логчид цөөнгүй байна. Тэд хаана алт байна тэнд давхиж явах улс. Булган сум гэхэд 20 гаруй алтны илэрцтэй газар. Гэхдээ бидний зүгээс цагдаагийн байгууллагатай хамтран Булган суманд хэзээ ч “нинжа” гаргадаггүй. Оч­сон байвал хүчээр таарна. Яагаад гэвэл энэ сум нь дархан хилтэй ойрхон байдаг учраас аюулгүй байдлаа бодох ёстой юм. Нөгөө талаас өөр нэг зөр­чил дутагдалтай асуудал гэвэл хүнсний зах юм. Одоохондоо манай аймагт битүү худалдааны төв байдаггүй учраас бараа бүтээгдэхүүнийг ил зах дээр зарж байна. Энэ нь бүтээгдэхүүний чанар муудах, эрүүл мэндэд сөрөг нөлөө үзүүлэх сөрөг үр дагавар гарна. Харин аймгийн Засаг дарга Тамгын газраас битүү зах барьж ашиглалтад оруу­лахаар болсон. Ингэснээр хүнсний зах тойрсон гомдол санал багасч зөрчил арилна.

-Ажилчдынхаа нийг­мийн асуудлыг хэрхэн шийдэж байна вэ?

-Ажилтнууддаа хөн­гөлт­тэй үнээр орон сууцаар хангахыг эрмэл­зэж байна. Эхний ээл­жинд 12 айлын орон сууцын ажил эхлүүлээд байна. Ирэх сарын 1-нд ашиглалтад орох байх. Энэ байрын нэг ам метр нь 550 мянган төгрөгөөр тооцон олгож байгаа.