МАХН-ын намын Гүйцэтгэх товчоо өнөөдөр 11.00 цагт, залгуулаад Бага чуулганыг 15.00 цагт хуралдуулахаар төлөвлөөд байсан ч улстөрийн хүрээнд үүссэн нөхцөл байдал, мөн Бага чуулганы зарим гишүүд хөдөө, орон нутгаас нийслэлд хүрэлцэн ирж амжаагүй тул маргааш болгож хойшлуулсан байна. Маргааш Гүйцэтгэх товчоог 11.00 цагт, Бага чуулганыг 15.00 цагт эхлүүлэхээр товложээ.

Тус хоёр хуралдаанаар МАХН-аас Монгол Улсын Ерөнхийлөгчид нэр дэвшигчийг тодруулах, эсвэл аль нэг намыг дэмжиж орох эсэх тухайгаа шийдвэрлэх юм. Урьдчилсан байдлаар МАХН-аас Шадар сайд Д.Тэрбишдагва, УИХ-ын дэд дарга Л.Цог, Сангийн сайд Ч.Улаан, Эрүүл мэндийн сайд Н.Удвал нарын нэр яригдаж байна. Харин зарим эх сурвалжийн мэдээлж буйгаар МАХН 2013 оны Ерөнхийлөгчийн сонгуульд МАН-аас нэр дэвшигч Б.Бат-Эрдэнийг дэмжиж оролцох талтай гэнэ.