“Хан шувуу” дуугаараа хөгжмийн ертөнцөд өөрийгөө зарлан тунхагласан Урлагийн гавьяат зүтгэлтэн, Ардын боловсролын тэргүүний ажилтан, удирдаач, хөгжмийн зохиолч М.Булган өөрийн уран бүтээлийн тайлан тоглолтоо үзэгч олондоо өргөн барихаар болжээ. Хөгжмийн зохиолч М.Булганы зохиосон “Үнсье”, “Насны баясгалан” зэрэг олон сайхан дуунууд байдаг билээ. Тэрээр энэ сарын 24-ний 19:00 цагаас болох тоглолтоо “Насны баясгалан” хэмээн нэрийдсэн нь энэхүү дуу нь 40 нас хүрч байгаатай холбоотой ажээ. “Бөхийн өргөө”-нд болох тус тоглолтын тасалбарын үнэ 15000 төгрөг юм байна.