“Pulp Fiction” киноны од, нэрт жүжигчин Жон Траволта найруулагч Филип Мартины “The Forger” нэртэй гэмт хэргийн сэдэвт киноны гол дүрд  тоглохоор болжээ. Тус киноны зохиолыг “The Call” бүтээлээрээ үзэгчдийн танил болсон  нэрт зохиолч Ричард Дивидио бичсэн байна. Холливудын нэрт жүжигчин Холли Берри гол дүрд нь тоглосон “The Call” кино өнгөрөгч гуравдугаар сард нээлтээ хийж, кино ертөнцөд чамгүй амжилт үзүүлсэн бол Ричард энэ удаа дахин “The Forger” нэртэй шинэ уран бүтээлээ толилуулж байгаа нь энэ аж. “The Forger” энэ оны сүүлээр үзэгчдийн хүртээл болох юм байна.

Жон Траволтагийн хувьд сүүлийн үед мөн нэрт жүжигчин Роберт Ди Неро болон  Майло Вентимилья нарын хамтаар “Killing Season” кинонд хамтран тоглож  байгаа ч үзэгчдийн хүртээл болгох тодорхой товыг киноны уран бүтээлчид хараахан зарлаагүй байна.