Найруулагч Шейн Блэкийн “Төмөр хүн 3” кино Хятадын үзэгчдийн хүртээл болсон эхний таван өдөртөө 410 сая юань буюу 66.02 сая ам.долларын ашиг олж, Хятадын box office-ийг тэргүүлжээ. Харин удаах байрт 55.35 сая ам.долларын ашиг олсноор тус улсын найруулагч Зао Вэйгийн өнгөрөгч сарын 26-нд нээлтээ хийсэн “So Young" кино орсон бол жагсаалтын гуравдугаарт "The Croods" инээдмийн хүүхэлдэйн кино 120 сая юань буюу 19.53 сая ам.долларын ашиг орлогоор бичигджээ.

Өмнө нь 2011 онд Хятадын box office-т  “Transformers 3” нээлтээ хийсэн эхний өдрөө л 110 сая юань буюу 17.90 сая ам.доллар олж, дээд амжилт тогтоож байсан аж. Сонирхуулахад, “Төмөр хүн 3” кино Хойд Америкийн Box office-ийг мөн ашиг орлогоороо тэргүүлж эхлээд байгаа юм.