Монгол Улсын Ерөнхийлөгчийн 2013 оны сонгуульд МАН-аас нэр дэвшиж, өрсөлдөхөөр болсон УИХ-ын гишүүн Б.Бат-Эрдэнэ өнөөдөр намаасаа нэр дэвшигчийн батламж гардан авлаа.

Нэр дэвшигчид батламж гардуулах ажил Тусгаар тогтнолын ордонд болсон бөгөөд энэ үеэр зарим иргэний хөдөлгөөн, төрийн бус байгууллагын гишүүд МАН-аас нэр дэвшиж буй Б.Бат-Эрдэнийг дэмжиж оролцохоо мөн илэрхийлсэн байна. Хамтран ажиллах иргэний хөдөлгөөн, төрийн бус байгууллагын гишүүд болон нэр дэвшигч Б.Бат-Эрдэнэ нар хамтран ажиллах санамж бичигт гарын үсэг зурлаа.