Швед, Финландын хамтран зохион байгуулж буй хоккейн дэлхийн аварга шалгаруулах тэмцээний дуулианы эзнээр Швейцарийн шигшээ баг тодроод байна. Тэд эхлээд Шведийг 3:2-оор хожсон бол дараа нь Канадыг мөн 3:2-оор буулган авч, харин өчигдөр шөнө Чехийг 5:2-оор хожжээ. Ингэснээр хоккейн хөгжлөөрөө гойд гайхуулж яваагүй Швейцарийн шигшээ хэсгээ тэргүүлж явна.

Одоо Швейцарийн шигшээ А хэсэгтээ Норвег, Белорусь, Словен, Данитай тоглох үлдээд байгаа юм. В хэсгийг гурав дараалан ялалт байгуулсан Финландын шигшээ тэргүүлж байна. ОХУ-ын шигшээ энэ хэсэгт өнөөдөр АНУ-тай тоглох болно. ОХУ, АНУ хэсэгтээ тус бүр хоёр хожиж, хожигдолгүй яваа юм.