Богино хэмжээний киногоороо үзэгчдийн танил болсон найруулагч Б.Чингүүн шинэ бүтээлээ тун удахгүй дэлгэх нь ээ. Энэ бол “Cube” нэртэй bбогино хэмжээний триллер бүтээл аж. Тэрээр нэгдүгээр курсын оюутан байхдаа анх хийж байсан “Cube” гээд богино хэмжээний киногоо дахиж ремик хийн бүтээж байгаа гэнэ. Үзэгчдийн хувьд түүний бүтээлд хэн тоглох бол гэсэн хүлээлт байнга байдаг. Энэ удаад уг бүтээлийн гол дүрий цагдаагийн оффицерийн дүрд Урлагийн гавьяат зүтгэлтэн Ш.Гүрбазар бүтээж байгаа ба алуурчны дүрд өнгөрсөн онд АНУ-д жүжигчний мэргэжлээр төгсөж ирсэн Т.Билгүүтэй хэмээх залуу тоглож байгаа гэнэ. Тэрээр уг киногоо энэ сарын дундуур болох Монголын үндэсний кино урлагийн академийн дээд шагнал “Academy Awards” наадамд сойх бодолтой байгаа гэсэн шүү.