Монголын Модон бөмбөгийн холбооны цомын тэмцээн 2013 оны 05 сарын 05-ны өдөр Гачуурт дахь “Монгол шилтгээн” цогцолборын модон бөмбөгийн талбайд  амжилттай явагдаж өндөрлөлөө. Тэмцээнд 13 байгууллагын эрэгтэй 57, эмэгтэй 50 тамирчин оролцож ганцаарчилсан, холимог хос, багийн төрлөөр өрсөлдөж ур чадвараа сорьжээ.

Ганцаарчилсан төрөлд эмэгтэйчүүдээс ХААИС-ийн оюутан Б.Оюунтуяа /50оноо/, Дархан багийн Г.Гантуяа /55 оноо/, Дархан ШУТИС-ийн оюутан Г.Ижилцэцэг /55 оноо/, эрэгтэйчүүдээс УБ-1 багийн А.Эрдэнэбат /50 оноо/, Дархан ШУТИС-ийн оюутан Д.Доржцэрэн /50 оноо/, ХААИС-ийн оюутан Б.Баянбулаг /52 оноо/, холимог хосын төрөлд Дархан ШУТИС-ийн оюутан Д.Отгонпүрэв Н.Мягмарсүрэн /47 оноо/, Дархан багийн Б.Баттулга, Г.Отгонтуяа /54 оноо/, ХААИС-ийн оюутан Ц.Баасанжаргал, Б.Оюунтуяа /55 оноо/, багийн дүнгээр эмэгтэйчүүдээс Ж.Загас дасгалжуулагчтай ХААИС, Г.Болдбаатар дасгалжуулагчтай Дархан ШУТИС, Б.Баттулга дасгалжуулагчтай Дархан баг, эрэгтэйчүүдээс С.Батцоож дасгалжуулагчтай УБ-1 баг, Г.Болдбаатар дасгалжуулагчтай Дархан ШУТИС, Б.Баттулга дасгалжуулагчтай Дархан баг тус тус эхний 3–н байрт шалгарч өргөмжлөл, мөнгөн шагналыг гардан авчээ.

Байгууллагын нэгдсэн дүнгээр Дархан ШУТИС-ийн баг тэргүүлж Цомын эзэд болж, ХААИС, Дархан багийнхан удаалжээ.

Тус тэмцээнд өмнөх жилүүдийн цомын тэмцээнүүдтэй харьцуулахад илүү олон тамирчин хамрагдаж ахмадын Зуунтай, Олимп, Их хүч зэрэг 3-н баг, Мон-Алтиус БТДС, Аварга БТДС, ХААИС-1, ХААИС-2, УБ-1, УБ-2, Дархан ШУТИС, Дархан зэрэг багууд өрсөлджээ.
 
Монгол улсын аварга шалгаруулах модон бөмбөгийн тэмцээн 2013 оны 07 сарын 23-24-ны өдрүүдэд зохион байгуулагдана. Үүний дараагаар Монголын модон бөмбөгийн холбооноос Олон улсын модон бөмбөгийн нээлттэй 5-р тэмцээнийг Улаанбаатар хотноо 7 сарын 25-27-ны өдрүүдэд зохион байгуулахаар бэлтгэл ажлаа хангаж байна.