Тавдугаар сар гарч урин дулаан цаг ирж байгаатай зэрэгцэн IPTV үйлчилгээний Видео сан сүүлийн үеийн Монгол кино, жүжиг, нэвтрүүлгээр “тэсрэлт” хийж байна. Шинээр нэмэгдэж буй уран бүтээлүүд дуу, дүрсний өндөр чанарыг үзэгчдэд мэдрүүлэх ба бүгд оюуны өмчийн эрхтэйгээр танд хүрэх юм.

Уг бүтээлүүдийн салхийг хагалан 5 дугаар сарын 1-ний өдөр МУСТА, хөгжмийн зохиолч Б.Чинбатын “Давтагдашгүй” тоглолт үзэгч таны мэлмийг мялаахаар Видео санд орлоо.  2011 онд тоглогдсон уг тоглолт өмнө нь аль ч телевизийн суваг, вэб сайтуудаар цацагдаагүй, DVD хувилбараар ч олны хүртээл болж амжаагүй бүтээл бөгөөд анх удаагаа зөвхөн IPTV-ийн хэрэглэгчдэд хүрч байна.

“Давтагдашгүй” тоглолтын араас “Бодлын хулгайч”,  “Гарал угсаа”, “Болсон явдал” зэрэг бүтээлүүд нэмэгдэнэ…

Монголын авьяаслаг уран бүтээлчид болон Юнивишн хоорондын хамтын ажиллагаа нь оюуны өмчийн эрхийг хүндэтгэн үзэж, зохиогчийн эрхийг хамгаалах үйлсэд олон нийтийг уриалсан нийгмийн хариуцлагатай үйл ажиллагаа юм. Аливаа нийгмийг залж чиглүүлж байдаг оюуны бүтээл туурвигчдыг дэмжин ажиллах нь эргээд тэдний уран бүтээлийг цааш үргэжлүүлэхэд сэтгэл санааны болоод санхүүгийн дэм болдог сайн талтай. 

Уг хамтын ажиллагаа нь Юнивишн компанийн хувьд зөвхөн эхлэл бөгөөд цаашид ч оюуны өмчийн эрхийг дээдлэн, бүх уран бүтээлчидтэй нээлттэй хамтран ажиллах болно.

Монгол уран бүтээлчдийн олны хүртээл болж хараахан амжаагүй шилдэг бүтээлүүдийг HD форматаар гэртээ тухлан үзэхийг хүсвэл Юнивишнийн Гурвалсан үйлчилгээг сонгоорой. Дэлгэрэнгүй мэдээллийг www.univision.mn болон 77118811 утаснаас авна уу?