Чингэлтэй дүүргийн Шадавлин зусланд байшин шатаж байна гэсэн дуудлага өнөөдөр 13.30 цагийн орчимд шуурхай удирдлагын төвийн 101 дугаарын утсанд иржээ. Дуудлагын дагуу нийслэлийн Онцгой байдлын газрын Аврах гал унтраах 10, 34 дүгээр ангиуд очиж, галыг унтраажээ.

Хашаан дах өвсөө шатаасны улмаас наймаас есөн айлын хашааны өвс, айлын байшин бүрэн шатсан байна.

Иймд иргэдийг гал түймрийн аюулаас гэр орон сууц, хашаа, орцныхоо галын аюулгүй байдлыг ханган анхаарал болгоомжтой байхыг нийслэлийн Онцгой байдлын газраас сэрэмжлүүлж байна.