Дэлхийн тэргүүлэх спорт болох хөлбөмбөг манайд хөгжлийнхөө маш доогуур түвшинд байгааг спорт сонирхогчид андахгүй. Шигшээ баг нь жилдээ нэг юмуу хоёр тоглолт хийвэл их юм. Гэхдээ ихэвчлэн шийдвэрлэх тоглолтдоо өрсөлдөгчдөө тун эргэлзээтэй, сэжигтэй гэмээр дүнгээр хожигддог уламжлал шахуу зүйл тогтчихсон. Харин лиг нь ердөө нэг юмуу хоёр сарын хугацаанд болоод өнгөрдөг. Энэ мэтээр Монголын хөлбөмбөгийн холбооны ажлыг шүүмжлэх, өөлөх хүн бишгүй бий. Харин сүүлийн хоёр жилийн хугацаанд Хөлбөмбөгийн холбоонд Д.Тэрбаатар орж, Ерөнхий нарийн бичгийн даргаар ажилласнаас хойш үйл ажиллагаа нь харьцангуй нээлттэй болж, ажил ахих нь гэж олон нийт ам сайтай байсан. Гэлээ ч Д.Тэрбаатар хөлбөмбөгийн холбооны ажлаа өгчээ. Сураг сонсвол тэрээр Хөлбөмбөгийн холбооны ерөнхийлөгч Б.Ганболдтой  зөрчилдсний улмаас ажлаа өгсөн байж болох гэнэ.

Ийнхүү Монголын хөлбөмбөгийн холбоо ажлын гол ачааг нь нугалж байсан нэгэн "жигүүр"-ээ хугалжээ. Цаашид Монголын хөлбөмбөгийн хөгжил хэрхэх нь тодорхойгүй хэвээрээ л байна.