УИХ-ын гишүүн, Сангийн сайд Ч.Улаан Монгол Улсын 2014-2016 оны Төсвийн хүрээний мэдэгдлийн тухай хуулийн төслийг өнөөдөр  /2013.04.30/  УИХ-ын дарга З.Энхболдод өргөн барив.

Төсвийн тухай хуульд Засгийн газар дунд хугацааны төсвийн хүрээний мэдэгдлийн төслийг хэлэлцэн жил бүрийн 5 дугаар сарын 1-ний дотор Улсын Их Хуралд өргөн мэдүүлэхээр заасны дагуу Монгол Улсын 2014-2016 оны Төсвийн хүрээний мэдэгдлийн тухай хуулийн төслийг УИХ-аар хэлэлцүүлэн шийдвэрлүүлэхээр ийнхүү өргөн барьж байгааг Сангийн сайд танилцууллаа гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.