Залуу дуучин Селена Гомез энэ сарын 8-нд сонсогчдын хүртээл болгосон  шинэ цомгийнхоо “Come and Get It” дуунд клип хийлгэж байгаа гэнэ. Тэрээр шинэ цомгоо нэрлэсэн энэхүү дууныхаа клипэнд дуучин, хөгжмийн зохиолч Эстер Деан болон  Майкл Эриксений “Stargate” хөгжмийн студитэй хамтран ажиллаж байгаа юм байна. Тэрээр шнэ клипээ тун удахгүй фэнүүддээ хүргэх бөгөөд өнгөрөгч долоо хоногоос эхлэн зураг авалтдаа оржээ.

“Come and Get It” сонсогчдын хүртээл болсноос хойш Америк, Австрали, Бельги, Канад, Франц, Шинэ Зеланд гээд олон улсын chart-уудын шилдэг уран бүтээлийн жагсаалтад бичигдсээр ирсэн хитүүдийн нэг юм.

Селена сүүлийн үед хөгжмийн карьертаа илүү анхаарлаа хандуулахаас гадна найруулагч Кортни Соломоны ирэх наймдугаар сард нээлтээ хийх “Getaway” кинонд мөн тоглож байгаа юм байна.