Спортын хамгийн нэр хүндтэй хосууд болох Хөдөлмөрийн баатар Х.Цагаанбаатар, О.Гүндэгмаа нар хоёул амралтын өдрүүдэд хилийн чанадад “Дэлхийн цом”-ын тэмцээнд өрсөлдлөө. Дэлхийн аварга, Монгол Улсын Хөдөлмөрийн баатар, гавьяат тамирчин Х.Цагаанбаатар өчигдөр Бразилд болсон “Дэлхийн цом”-ын тэмцээнд амжилттай оролцож, алтан медаль хүртсэн түүний эхнэр, Хөдөлмөрийн баатар О.Гүндэгмаа АНУ-ын Форт Беннинг хотноо болж буй буудлагын спортын “Дэлхийн цом”-ын тэмцээнд цэц сорьжээ. Буудлагын “Дэлхийн цом”-ын эмэгтэйчүүдийн 25 метрийн спорт гар бууны төрөлд манай гурван тамирчин өрсөлдсөн бөгөөд ОУХМ Ц.Мөнхзул хүрэл медаль хүртэж, олимпийн мөнгөн медальт О.Гүндэгмаа долдугаар байр эзэлсэн байна. Тэрбээр мөн өнгөрөгч даваа гаригт болсон эмэгтэйчүүдийн 10 метрийн хийн гар бууны төрөлд шагналт тавдугаар байр эзэлжээ.

М.Анир