Гадаад харилцааны сайд Л.Болд Ирланд Улсын Худалдаа, хөгжлийн асуудал эрхэлсэн Төрийн сайд Жо Костеллотой уулзав. Ууулзалтын үеэр Монгол Улс ЕАБХАБ-ын бүрэн эрхт гишүүн болсон, АОХН-ийг амжилттай даргалж буйд баяр хүргээд хоёр орны харилцаа хамтын ажиллагааг хөдөө аж ахуйн технологи, эмийн үйлдвэрлэл зэрэг салбарт түлхүү хөгжүүлэх боломжтойг онцлон тэмдэглэв.  

Гадаад харилцааны сайд Л.Болд Ирланд Улстай цаашид хоёр талын болоод олон талт хамтын ажиллагааг хөгжүүлэх эрмэлзэлтэй буйгаа дурдаад тус улсын Гадаад хэргийн сайдад илгээж буй талархлын захидлыг Төрийн сайдад гардуулав.