Монголын тамирчид тэргүүлжээ

Хуучирсан мэдээ: 2010.05.30-нд нийтлэгдсэн

Монголын тамирчид тэргүүлжээ

Спортын төв ордонд энэ сарын 28,29-ний өдрүүдэд Олон улсын жүдо бөхийн“POLICE CUP- 2010” тэмцээн  амжилттай зохиогдлоо.  Тэмцээнийг олон улсын “Динамо” нийгэмлэгүүдийн холбооны санаачлагаар Цагдаагийн ерөнхий газар, Монголын Жудо бөхийн холбоотой хамтран зохион байгуулсан байна. Тэмцээнд Монгол, Казакстан, ОХУ, БНХАУ, Япон, БНСУ, Турк, Кувейт улсын баг, тамирчид оролцсон ба эрэгтэй жудочид  60, 66, 73, 81, 90 -100, +100 кг жинд, эмэгтэй тамирчид -63, +63 кг жинд өрсөлдлөө. 

Багийн нийт дүнгээр Монгол улсын нэгдүгээр баг буюу Цагдаагийн ерөнхий газрын “Хүч” спорт хорооны баг тэргүүлэв.  Хоёрдугаар байранд  Монгол улсын  хоёрдугаар баг  буюу Хууль зүй дотоод хэргийн яам, Хил хамгаалах ерөнхий  газар, Шүүхийн шийдвэр гүйцэтгэх ерөнхий газар, Онцгой байдлын ерөнхий газрын баг тамирчид орж, өндөр амжилт үзүүлжээ. Харин гуравдугаар байранд Солонгос улсын баг орсон байна.  Тэмцээний шилдэг эрэгтэй тамирчнаар 90 кг жинд Б.Жанчивдорж, шилдэг эмэгтэй тамирчнаар +63 кг жинд Ц.Наранжаргал нар тодорчээ.

П.Наран

NewsMN Гар утасны хувилбар Татах
NEWS.mn

Мэдээллийн эх сурвалж