Монгол Улсын Ерөнхийлөгчийн урилгаар Мьянмарын ардчиллын төлөө тэмцэгч, Мьянмарын Ардчиллын төлөө Үндэсний Лиг намын тэргүүн, парламентын гишүүн хатагтай Ан Сан Сү Чи АОХН-ийн Сайд нарын долдугаар бага хуралд оролцохоор өнөө орой Улаанбаатарт хүрэлцэн ирж байна.

Мьянмарын ардчиллын бэлгэдэл болсон хатагтай Ан Сан Сү Чи маргааш нэгдсэн хуралдаанаа хийх АОХН-ийн долдугаар бага хуралд үг хэлж, дөрөвдүгээр сарын 30-нд Монгол Улсын Ерөнхийлөгчтэй хамт олон нийтэд лекц унших юм. Мөн өдрийн орой сэтгүүлчидтэй уулзаж асуултад нь хариулахаар төлөвлөөд байна.