Норвегийн Вант Улсын Гадаад хэргийн сайд Эспен Барт Эйдэ Гадаад харилцааны сайд Л.Болдтой уулзах үеэр энэ онд Монгол Улс, Норвегийн Вант Улсын хооронд дипломат харилцаа тогтоосны 45 жилийн ой тохиож байгааг дурдаад хоёр улсын уламжлалт найрсаг харилцаа улам гүнзгийрч олон салбарт хамтын ажиллагаа идэвхжиж байгааг онцлон тэмдэглэв.

Түүнчлэн сайд нар уул уурхай, ногоон хөгжил, соёл, аялал жуулчлал зэрэг салбарт  хамтран ажиллах боломжийн талаар ярилцаж олон улс, бүс нутгийн асуудлаар санал солилцжээ.