Улаанбаатар хотноо өнөөдөр эхэлсэн Ардчилсан орнуудын хамтын нийгэмлэг /АОХН/-ийн Сайд нарын бага хурал хурал чуулга уулзалтуудаар үргэлжилж байна. Тус нийгэмлэгийн үйл ажиллагааг хөрсөнд буулгаж, оролцогч орнуудын ард иргэдэд ойртуулдаг гол бүтэц болох Иргэний нийгэм, Залуучууд, Эмэгтэйчүүд, Парламент, Бизнесийн гэсэн жигүүр тус бүр чуулга уулзалт зохион байгуулж буй юм.

Парламентчдын чуулга уулзалт Төрийн ордны “Б” танхимд, Иргэний нийгмийн чуулга уулзалт Корпорайт зочид буудалд, Эмэгтэйчүүдийн чуулга уулзалт Кемпински зочид буудалд, Залуучуудын чуулга уулзалт Хүүхдийн ордонд, Бизнесийн ардчилал чуулга уулзалт МҮХАҮТ-ын байранд тус тус болж байна. Эдгээр чуулга уулзалтууд өнөөдөр, маргааш хоёр өдөр үргэлжлэх юм.

Мөн өнөөдөр 15:00-18:00 цагийн хооронд АОХН-ийн Удирдах зөвлөлийн хурал Гадаад хэргийн яаманд болно.