Унгарын нийслэл Будапешт хотноо тавдугаар сарын 27-30-ны өдрүүдэд болсон жүдо бөхийн ахмадын дэлхийн аварга шалгаруулах тэмцээн буюу Мастеруудын ДАШТ-д манай тамирчид амжилттай оролцлоо. Монголын шилдэг жүдочид, ахмад тамирчдаас бүрдсэн баг тамирчид гурван алт, нэг мөнгө, гурван хүрэл медаль хүртсэн амжилтаар 48 орны 800 гаруй жүдочоос долдугаар байр эзэлжээ. Гавьяат тамирчин Х.Эрдэнэт-Од, Д.Цэрэнханд нарын тэргүүтэй 20 гаруй хүний бүрэлдэхүүнтэй баг энэхүү тэмцээнд оролцсон юм.