Монголын Регбийн холбоо өсвөр үеийн Регби 7-гийн улсын аварга шалгаруулах тэмцээнийг дөрөвдүгээр сарын 27-ноос тавдугаар сарын 4-ний хооронд зохиох гэж байна. Дөрөв дэх жилдээ болж буй өсвөрийн регбийн УАШТ Монголын үндэсний олимпийн хорооны дэргэдэх Бейсболын талбайд дээрх өдрүүдэд 09:00-15:00 цагийн хооронд болох юм. Энэ удаагийн УАШТ олимпийн төрөлд багтдаг Регби 7 буюу тамирчид хоорондоо контакттай болох гэж буйгаараа онцлогтой гэнэ.

2013 оны өсвөрийн регбийн аваргад ерөнхий боловсролын 15 сургуулийн эрэгтэй 12, эмэгтэй дөрвөн баг оролцохоор мэдүүлгээ ирүүлжээ.