“Мемфис Гриззльес” багийн төвийн тоглогч Марк Гасол NBA-гийн 2012-2013 оны шилдэг хамгаалан тоглогч боллоо. Энэ улирал “Мемфис Гриззльес” хамгийн бага оноо алддаг багаар шалгарсан бөгөөд хамгаалалт амжилттай болоход Испанийн төвийн тоглогч Марк Гасол чухал үүрэг гүйцэтгэдэг юм. Марк Гасол энэ улиралд нэг тоглолтод 1,7 хаалт, 1,0 бөмбөг таслалтыг дунджилжээ. Ингэснээр “Мемфис” эсрэг багтаа нэг тоглолтод дунджаар 88,7 оноог алдсан нь хамгийн багад тооцогджээ.

Улирлын шилдэг тоглогчдыг АНУ-ын NBA-гийн спортын сэтгүүлчийн санал асуулгаар тодруулдаг. Марк Газол 212 санал авч шагналын эзэн болсон бол ЛеБрон Жеймс 149 саналаар хоёрдугаар байрт шалгарсан байна. Харин “Оклахома Сити Тандер” багийн Сөрж Ибака 122 саналаар гуравдугаар байрт шалгарлаа.