Японы мэргэжлийн сумогийн холбоо тавдугаар сарын 12-нд Токио хотноо эхлэх Нацү башёгийн банзүкэг өнөөдөр танилцууллаа. Дээд зиндаа макүүчигийн зүүнийг ёкозуна Хакухо М.Даваажаргал тэргүүлж байна. Харин барууныг ёкозуна Харумафүжи Д.Бямбадорж тэргүүлэх юм. Тавдугаар сарын нацү башёд Монголын Азүмарюү С.Тодбилэг макүүчи зиндаад дэвшин барилдахаар боллоо. С.Тодбилэг мэргэжлийн сумогийн дээд зиндаа макүүчид барилдах Монголын 17, гадаадын 38 дахь сумоч болж байгаа юм. Мөн тавдугаар сарын барилдаанд Тамаваши Б.Мөнх-Оргил жюүрод унаж, Кёкүшюүхо Т.Эрдэнэбат дээш дэвшсэнээр макүүчи зиндаанд Монголын найман бөх барилдах болж байна.

Ингээд тавдугаар сарын нацү башёд барилдах Монголын сумочдын мэдээллийг хүргэе.

Макүүчи зиндаа:

1. Хакухо-Ёкозуна М.Даваажаргал /Зүүн жигүүрийн тэргүүн бөх/
2. Харумафүжи-Ёкозуна Д.Бямбадорж /Баруун жигүүрийн тэргүүн бөх/
3. Какурю-Озэки М.Ананд  /Баруун/
4. Токитэнкү-А.Хүчитбаатар /Маэгаширагийн зүүний  8/
5. Кёкутэнхо-Н.Цэвэгням /Маэгаширагийн зүүний  9/
6. Шотэнро-Д.Нямсурэн /Маэгаширагийн зүүний  11/
7. Кёкушүхо-Т.Эрдэнэбаатар /Маэгаширагийн барууны 12/
8. Азумарю-С.Тодбилэг /Маэгаширагийн зүүний  16/

Жюүро зиндаа

9. Тамаваши-Б.Мөнх-Оргил /Зүүний 1/
10. Таканойүа-А.Баасандорж /Зүүний 2/
11. Асасэкирюү-Б.Дашням /Зүүний 4/
12. Ониараши-У.Өлзийжаргал /барууны 9/
13. Кагамио-Б.Нанжид /барууны 13/

Макүшита зиндаа

14. Сэйро-А.Өнөболд  /Зүүний 1/
15. Сакигакэ-Я.Баттүшиг /Зүүний  2/
16. Араваши-Э.Дөлгөөн /барууны 4/
17. Сэншо-Э.Баярбат /барууны 6/
18. Үакамишо-Г.Ган-Эрдэнэ /барууны 10/
19. Рюонами-Б.Буянжаргал /барууны 12/
20. Чиёшима-Г.Мөнхсайхан /Зүүний  32/
21. Широнорюү-Э.Одгэрэл /барууны 34/
22. Тайка-С.Шаравнямбуу /Зүүний  43/
23. Тоорүгава-Д.Ууганбаатар /барууны 57/

Санданмэ зиндаа

24. Рюо-Э.Санчирболд /Зүүний 2/
25. Аратоши-В.Цэрэндорж /барууны 11/
26. Дайонами-Б.Ууганбаяр, /барууны 28/
27. Такакасүга-Э.Энхманлай /Зүүний 50/

Жонокүчи зиндаа

28. Дайшохо-Ч.Шижирбаяр /барууны 50/