Холливудын эрхэмсэг хатагтай нарын нэг, жүжигчин Николь Кидман ирэх сард болох Каннын кино наадмын шүүгчдийн бүрэлдэхүүнд ажиллахаар болжээ. Кидманаас гадна тус наадмын шүүгчдийн бүрэлдэхүүнд Тайвань гаралтай Америкийн кино найруулагч Энг Ли болон  “Django Unchained”-д тоглосон жүжигчин Кристоф Вальц нар багтсан байна. Харин шүүгчдийн бүрэлдэхүүнийг Оскарын шагналт, нэрт найруулагч Стивен Спилберг ахлах тухай эх сурвалжууд мэдээлжээ.

Түүнчлэн “Амели”, “Да Винчийн код”,”Коко Шанель” зэрэг киноны  дүрээр үзэгчдийн танил болсон Францын нэрт жүжигчин Одри Тотоу 66 дахь удаагийн Каннын кино наадмын ёслолын ажиллагааг нээх болсон байна. Тэрээр ирэх тавдугаар сарын 15-26-ны өдрүүдэд болох тус наадмын нээлт болон хаалтын ёслолыг хөтөлнө. Өнгөрсөн жил Каннын кино наадмын дээд шагнал “Пальмын алтан навч“-ийг Австрийн найруулагч Михайлль Ханеке “Дурлал” киногоороо хүртэж байсан билээ.