NBA албан ёсоор мэдэгдээгүй байгаа ч “Индиана Пэйсерс”-ийн хамгаалагч Пол Жорж MIP буюу 2013 оны NBA-ын амжилт нь ахисан тоглогчоор шалгарлаа. Рүүки буюу NBA-д хөл тавьсан анхны жилдээ нэг тоглолтод дунджаар 20 гаруй минут тоглож, энэ хугацаанд 7,8 оноо дунджилж байсан тэрбээр өнгөрсөн жил 29,7 минутад 12,1 оноо, 5,6 удаа самбараас бөмбөг авалт, 2,4 оновчтой дамжуулалт, 1,6 удаа бөмбөг тасалсан гэх үзүүлэлттэй байв. Харин энэ улиралд Дэни Гренжергүй болсон “Пейсерс”-ийг тэргүүлж, нэг тоглолтод 17,4 оноо, 4,1 оновчтой дамжуулалт, 1,8 удаагийн бөмбөг таслалт дунджилжээ.

Түүний довтолгоо ч гэлтгүй хамгаалалт мөн сайжирсан ба өрсөлдөгч багийнхаа гол тоглогчдыг хамгаалан тоглож байгаа билээ. Тэрээр ийнхүү гурван жилийн дотор рүүки тоглогчоос NBA-ын шилдэг багийн лидер болж чадлаа.