Ардчилсан орнуудын хамтын нийгэмлэгийн сайд нарын VII бага хурал энэ сарын 26-29-ний өдрүүдэд зохион байгуулагдах гэж байгаатай холбогдуулан нийслэлийн Засаг дарга бөгөөд Улаанбаатар хотын Захирагч Э.Бат-Үүлийн гаргасан захирамжийн дагуу өнөөдөр бүх нийтийн их цэвэрлэгээ хийлээ.

Өнөөдрийн цэвэрлэгээнд Засаг даргын тамгийн газрын хэрэгжүүлэгч 47 агентлагийн 2700 орчим албан хаагч хуваарийн дагуу оноогдсон зам талбайг цэвэрлэлээ. Мөн нийслэлийн хэмжээнд 4980 аж ахуй нэгжийн 25300 иргэд өөрсдийн ажлын байр орчмын хогийг цэвэрлэсэн байна. Цэвэрлэгээ үр дүнтэй болж, 300 орчим машин буюу 1000 орчим тонн хог цэвэрлэсэн гэсэн мэдээллийг албаныхан өгч байна.