УИХ-ын чуулганы нэгдсэн хуралдаанаар Ерөнхий сайдыг огцруулах тухай асуудлыг хэлэлцэх шатанд УИХ дахь МАН-ын бүлэг завсарлага авлаа. УИХ-ын даргын зүгээс МАН-ын бүлэгт завсарлага өгч байгаагаа мэдэгдэж завсарлага ажлын тав хоногт багтах болж буйг дуулгалаа. Ингэснээр Ерөнхий сайд Н.Алтанхуягийг огцруулах тухай асуудлыг УИХ-аар ирэх долоо хоногт үргэлжлүүлэн хэлэлцэх болж байна.

Эхний асуудал дээр цөөнхийн бүлэг завсарлага авсан тул хоёр дахь асуудал болох УИХ-ын дэд дарга С.Баярцогтыг албан тушаалаас нь чөлөөлөх тухай асуудал руу орлоо.