“Хүүхдийн спорт – Өнөө ба ирээдүй” сэдэвт олон улсын III форум дөрөвдүгээр сарын 19-20-нд Улаанбаатар хотноо болно. Энэхүү олон улсын форумыг Соёл, спорт, аялал жуулчлалын яамны харьяа Спортын бэлтгэлийн төв, монголын өсвөр үеийн бие бялдар, спортын холбоо тэргүүтэй байгууллагууд зохион байгуулж байна.

Форумд АНУ, ОХУ, Канад, Солонгос, Япон, Унгар зэрэг улсын төлөөлөгч, эрдэмтэн судлаач, багш дасгалжуулагчид оролцох аж. Улаанбаатар хотноо хоёр удаа  зохиогдох энэхүү форум өсвөр насны хүүхдийн эрүүл мэнд, бие бялдрын хөгжлийг хангах, хүүхдийн спортод тулгамдсан асуудлыг шийдвэрлэх, хамтран туршлага солилцох зорилготой гэнэ. Хүүхдийн спортын форум өмнө нь 2011 онд Улаанбаатарт, 2012 онд ӨМӨЗО-ы Хөх хотод болж байжээ.