Шинэчлэлийн Засгийн газрын 11-11 төвд иргэдээс ирүүлсэн асуулт, гомдол санал дээр тулгуурлан холбогдох яам, агентлагуудаас шууд хариулт, тайлбар авах ажлыг цувралаар зохион байгуулж байна.

Өнөөдөр 16.00 цагаас  дээд болон ерөнхий боловсролын сургалттай холбоотой асуудлаар БШУЯ-ны холбогдох мэргэжилтнүүд 11-11 төвд ажиллаж, мэдээлэл өглөө.
11-11 төвд оюутны тэтгэлэг, гадаадад суралцах тэтгэлэг, төрийн сангийн зээл, тэтгэлэг, замын зардалтай холбоотой олон асуулт ирдэг бөгөөд ерөнхий боловсролын сургуулийн багш нар мөнгө хурааж, ном зарж байгаа гэх гомдол ч тавьдаг байна. БШУЯ-ны мэргэжилтнүүд өнөөдөр тэдгээр асуулт бүрт тодорхой мэдээлэл өгч, иргэдийн санал, гомдлыг хэрхэн барагдуулах талаар үр дүнтэй уулзалт хийсэн юм.