НИТХ-ын Тэргүүлэгчидийн 2012 оны 63-дугаар тогтоолоор Хот тохижилт цэвэрлэгээний  талаар байгууллага аж ахуйн нэгж иргэдээс дагаж мөрдөх журамд өөрчлөлт оруулсан билээ. Журамд оруулсан өөрчлөлтөөр байгууллага, аж ахуйн нэгжийн хариуцах талбайг 50 хүртэл метр байхаар тогтоож, тохижилтын чиглэлээр эзэмшүүлэх шийдвэр гаргасан юм.

Аж ахуйн нэгж, байгууллагууд үйл ажиллагаа эрхэлж буй газраас гадагш  50 метр хүртэлх зам талбай, ногоон байгууламжид тохижилт хийж, ашиглалт засвар үйлчилгээ, хамгаалалтыг сайжруулах үүрэгтэй.

Журмын дагуу аж ахуйн нэгжүүд үйл ажиллагааныхаа төлөвлөгөөнд хөрөнгө төлөвлөж, тухайн орчноо тохижуулж, цэвэрлэх ёстой бөгөөд 50 метр хүртэлх цас мөсийг арилгахгүй бол газар эзэмших эрхийг нь цуцлах хүртэл арга хэмжээ авах юм. Тиймээс цас орж, халтиргаа үүссэн энэ үед өөрийн эзэмшлийн гаднах талбайгаа цэвэрлэж, иргэдийн аюулгүй зорчих байдлыг ханган ажиллахыг нийслэлийн Захирагчийн ажлын албанаас байгууллага, аж ахуйн нэгжүүдэд уриалж байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.