Монголын үндэсний кино урлагийн академийн дээд шагнал “Academy Awards” кино наадам гурав дахь жилдээ болох гэж байна. Ирэх тавдугаар сарын 15-18-нд товлогдсон тус наадам Монголын кино урлагийг хөгжүүлэх, дэлхийн тавцанд гаргах,  нийгэмд соёл урлагаар үйлчлэх, гоо зүйн боловсрол олгох, киноны чиг хандлагыг зөв тодорхойлох, болон  уран бүтээлчдийг дэмжин урамшуулах, чанаржуулах зорилготой юм. Энэ жилийн “Academy Awards” кино наадам 18 төрлөөр нэр дэвшигчдийг бүртгэж, шалгаруулах гэнэ. Наадмын бүртгэл дөрөвдүгээр сарын 1-нээс Монголын залуучуудын холбооны хурлын танхимд эхэлсэн бөгөөд тавдугаар сарын 10-нд дуусах аж.

“Academy Awards Mongolia-2013” дараах номинацид шилдгүүдийг тодруулах юм. Үүнд:

1. Шилдэг кино – Best Picture
2. Шилдэг эрэгтэй дүр – Leading role actor
3. Шилдэг туслах эрэгтэй дүр – Supporting  role actor
4. Шилдэг эмэгтэй дүр – Leading role actress
5. Шилдэг туслах эмэгтэй дүр – Supporting  role actress
6. Шилдэг найруулагч – Directing
7. Шилдэг зураглаач – Cinematography
8. Шилдэг зураач – Art direction
9. Шилдэг хөгжим – Music original score
10. Шилдэг дуу – Music original song
11. Шилдэг монтаж – Editing
12. Шилдэг дууны найруулагч-Sound editing
13. Шилдэг зохиол – Writing screenplay
14. Шилдэг дүрсний эффект – Visual effects
15. Шилдэг нүүр будалт – Make up
16. Шилдэг баримтат кино – Documantary /feature/
17. Шилдэг хөрөнгө оруулагч – Best investor
18. Шилдэг богино хэмжээний кино – Short film

Дашрамд дуулгахад, энэ жилээс “Short film” буюу богино хэмжээний киноны номинаци нэмэгдсэнээр киноны уран бүтээлчид, сонирхогчид, оюутнууд оролцож, бүтээлээ үнэлүүлж, олны хүртээл болгох боломж нээгдэж байгаа юм.