Хятад даяар шувууны томуугийн шинэ төрлийн вирусээр өвчлөгсдийн тоо 61 болж өсчээ. Хятадын хотуудаас Шанхай хотод хамгийн их буюу 24 хүн энэ өвчний халдвар аваад байна. Тэдгээрээс хоёр нь нас баржээ.

Шувууны ханиадны шинэ вирусын анхны тохиолдол Хятадын зүүн хэсэгт өнгөрсөн хоёрдугаар сард бүртгэгдсэн юм. Хятадын эрүүлийг хамгаалах яамны мэдээлснээс үзвэл өвчлөл цаашид ч нэмэгдэх хандлагатай байгаа бөгөөд жижиг хот, тосгодод энэ төрлийн мэдээлэл туйлын бага байгаагаас өвчлөл тархах эрсдэлийг нэмэгдүүлж байгаа аж.

Шувууны томуугийн H7N9 вирусээр өвчлөгсдийн тоо өчигдөр 51 байсан бол нэг өдрийн дотор 10-аар нэмэгджээ.