Соёл урлагийн Солонгоонууд дээр бас нэгэн Солонго дуулиан шуугиантайхан
нэмэгдээд байна. Багаасаа бодибилдингоор хичээллэж эх орныхоо нэрийг
дэлхий дахинаа цуурайтуулсан энэ хатагтай өнгөрсөн оны Азийн аварга
шалгаруулах тэмцээнээс хүрэл медаль хүртсэн. Аав ээжийн өврөөс гармагцаа
л Араб эрийн цайг чанаж, хилийн чанадад хэдэн жилийг өнгөрөөсөн
хатагтай Г.Солонгын хувийн амьдрал басхүү олны анхаарлыг татаад амжина
лээ. Араб, Монголын хооронд чим гартал явсан түүнийг харийн нөхрөөсөө
өрх тусгаарлан эх орондоо ирмэгцээ мөн л өөрөөсөө ахимаг насны эртэй гэр
бүл болж, төд удалгүй салсан гэх. Түүнчлэн гуч гарсан ч гунхсан сайхан
биеэрээ гайхуулж яваа Г.Солонго эх орондоо эгнэгт суурьших болсоноос
хойш клип рекламны урилганд дарагдаж, бүр сэтгүүлийн нүүрэн дээр хүртэл
секси дүр төрхөө мөнхлөөд авсан айхтар бүсгүйчүүдийн нэг. Юутай ч мисс,
мистер өргөмжлөлтэй Г.Солонго хэмээх сайхан бүсгүйн талаар товчхон
танилцуулахад ийм байна.