MTV хөгжмийн сувгаас жил бүр уламжлал болгон зохион байгуулдаг “MTV Movie Awards” 2013 наадам өчигдөр Лос-Анжелест шилдгүүдээ тодруулжээ. Энэ удаагийн наадмын шилдэг киногоор найруулагч Жос Ведоны “The Avengers” кино шалгарсан байна. Үзэгчдийн онлайн санал асуулгаар тодруулдаг уг наадмын шилдэгт өрсөлдөх нэр дэвшигчдийг өнгөрөгч сарын 5-нд албан ёсоор зарласан юм.

Дэлхийд алдартай олон одод хуран цугласан уг наадамд Рибел Уильсон, Скайлар Остин, Анна Кэмп, Еастер Деан, Селена Гомез нараас эхлээд олон уран бүтээлчид өөрсдийн уран бүтээлээ хүргэсэн бөгөөд Австралийн нэрт жүжигчин Ребел Уильсон хөтлөн явуулсан байна. Ийнхүү наадмын гол шагналуудын эздээр  шилдэг кино "The Avengers", шилдэг эрэгтэй жүжигчин Брэдли Купер- “Silver Linings Playbook” бүтээлээр, шилдэг эмэгтэй жүжигчнээр Женнифер Лауренс “Silver Linings Playbook” бүтээлээр, жүжигчин Эмма Уотсон “MTV Trailblazer” шагналын эздээр тус тус шалгарсан байна.