Монголын боулинг  сонирхогчдын холбоо, “М-Си-Эс Кока Кола” компанитай хамтран  2010 оноос эхлэн дөрөв дэх жилдээ “Coca Cola Zero Bowling Championship” боулингийн аварга шалгаруулах нөхөрсөг тэмцээнийг амжилттай зохион байгуулж байгаа билээ.  Монгол улсад суун үйл ажиллагаа явуулж байгаа Элчин сайдын яамдуудын дунд зохион байгуулсан энэ оны тэмцээн дөрөвдүгээр сарын 13-ны өдөр “Big Bowling” төвд боллоо.

Тэмцээнд Англи, Япон, АНУ, Кувейт,ОХУ, Канад, БНСУ, Чех, Казахстан, Щвейцарь зэрэг 15 улсын ЭСЯамдуудын дипломат ажилтнууд идэвхитэй оролцож, авхаалж самбаа, ур чадвараа сорин өрсөлдөв. Тэмцээний шилдэг тоглогчоор Кувейтын ЭСЯ-ны ажилтан Э.Жавхлантөгс 143 оноогоор тодорч, Coke Zero бүтээгдэхүүнээр шагнуулжээ.  

Тэмцээний дүнг дор танилцуулъя.

1-р байр: Японы ЭСЯбаг /1144 оноо/
2-р байр: Английн ЭСЯ баг /1105 оноо/
3-р байр: Кувейтын ЭСЯ баг /1079 оноо/