Видео тоглоомын фэн залуус өөрийн таблет дээрээ “Angry Birds”, “Infinity Blade” болон “The Walking Dead” зэрэг жижиг хэмжээний тоглоомуудыг л тоглож байгаа.

Тэгвэл “Call of Duty: Black Ops 2”, “Batman: Arkham City” болон “Far Cry 3” зэрэг тоглоомуудыг таблет дээрээ тоглодог болно гэвэл ямар сонсогдож байна.

Энэхүү баяртай мэдээг Razer компанийнхан дуулгалаа. Тэд Razer Edge нэртэй зөвхөн тоглоомчдод зориулсан таблетыг бүтээжээ. Razer Edge нь i7 Intel процессортой, 8GB RAM-тай, 2GB NVIDIA GT 640M LE карттай гэнэ. Үнэхээр хүчирхэг үзүүлэлт байгаа биз.

Дэлгэцийн хэмжээний хувьд 11 инчийн өргөнтэй, 7 инчийн өндөртэй, USB 3.0 , чихэвч болон цэнэглэгчийн оролттой. Дэлгэцийн хоёр талд тоглоом удирдах хэсэгтэй ба үнийн хувьд 1450-1700 ам.долларын хооронд байх гэнэ.