Яг одоо УИХ-ын 26-р тойргийн буюу Сонгинохайрхан дүүргийн сонгуулийн санал хураах ажиллагаа үргэлжилж байна. Энэ сонгуульд идэвхитэй оролцохыг фэйсбүүк, твиттерчид ч мөн онцолж байна. Ерөнхий сайд Н.Алтанхуяг сонгуульд саналаа өгснийхөө дараа ч твитер хуудаснаа “Би очиж саналаа өгөв. Шинэчлэл хийхэд энэ суудал чухал хэрэгтэй байна. Сонгуульдаа идэвхтэй оролцоорой, манай Сонгиныхоон” хэмээн жиргэж амжжээ.

Твитерчид сонгуульд хэн нэгнийг дэмж гэхээсээ илүү зүгээр л очоод саналаа өгөхийг уриалцгааж байлаа. Тухайлбал, “Сонгинохайрханыхан сонгуулиа идэвхитэй өгөөрөй. Сонгуулийн дүн МАН, АН-ын дүнгийн хурал байх болно. Цаашлаад Ерөнхийлөгчийн сонгуульд ч бас хамаатай”, “Сонгинохайрхан дүүргийнхээн, саналаа өгөөгүй байж сүүлд нь голж молоод байхүй шүү”, “ Сонгинохайрханы сонгогчид одоогийн байдлаар 9000 хүрэхгүй хүн ирж саналаа өгөөд байна /13.00 цагийн байдлаар/”, “Эрхэм Сонгинохайрханчуудаа бидний татварын мөнгийг дэмий үрүүлээд байлгүй сонгуульдаа идэвхитэй оролцооч. Ийм сайхан өдөр салхилангаа л саналаа өгчих” гэхчлэн жиргэжээ.