“LVA entertainment”, “Absolute Pictures” болон “Logic Film”-ийн уран бүтээлчид хамтран "Дурлалын гэмт хэрэг" нэртэй уран сайхны киногоо үзэгчдийн хүртээл болгосон билээ. “Өргөө”, “Тэнгис”, “Соёмбо” кино театрын дэлгэцээр энэ долоо хоногт нийтийн хүртээл болж эхэлсэн уг кино өнөөдөр “Өргөө” кино театрт 17.00 цагт албан ёсны нээлтээ хийх гэж байна. Тус киноны ерөнхий найруулагчаар “Absolute Pictures”-ын найруулагч П.Дэлгэрбаяр, ерөнхий зураач Ц.Хүрэлбаатар, ерөнхий оператор Э.Нэргүй, продюсераар “LVA entertainment”-ыг үүгэн байгуулагч “Guys”-ын дуучин, жүжигчин, продюсер Д.Лхагва нар ажилласан юм. Киноны гол дүрд “Guys”-ын дуучин, жүжигчин Д.Лхагва, Берлиний кино драмын сургуулийн кино жүжигчний ангийг энэ жил төгссөн залуу жүжигчин Г.Ариунболор, “Адам”-ын гол дүрийг бүтээсэн жүжигчин А.Баттүшиг, “Үл таних эмэгтэй”, “Эзэнгүй бөгж”, “Өдөр өдрийн нар”, “Ану хатан” зэрэг дэлгэцийн олон дүрээрээ олны танил болсон жүжигчин О.Долгор, жүжигчин Н.Ялалт, жүжигчин М.Төгөлдөр нар тоглож байгаа юм. Мөн уг киноны “Чи минийх” дууг “Никитон” хамтлагийн Бачка дуулан клипжүүлсэн нь хэдийнээ залуусын сонсох дуртай дууны нэг болжээ.

“Дурлалын гэмт хэрэг” киноны трэйлер ЭНД дарж үзнэ үү.

“Никитон” “Чи минийх”