Испанийн гигант Барселонын талбайд 1:1-ийн харьцаагаар тэнцэж, зочлон тоглолтын хоёр бөмбөгийнхөө ачаар Барселона клуб аваргын аялалыг цааш үргэлжлүүлэх эрхтэй болсон билээ. Энэхүү тоглолтын дараа Парисын багийн ерөнхий менежер Карло Анчелотти ийнхүү ярилцлага  өгсөн байна. Францын тэргүүн лигийг тэргүүлж байгаа нийслэлийн баг энэ цаг үеийн дэлхийн шилдэг клубтэй тун давгүй тоглосон гэхэд болно. 96 гаруй мянган хөгжөөн дэмжигчийн нүдэн дээр эхний гоолыг Парисын багийн тоглогч Хавиер Пасторе хийсэн билээ. Тоглолтын төгсгөлд Педрогийн гоолын ачаар Барселона клуб их шөвөгт шалгарсан юм. “Ийм тоглолтын дараа хасагдахад үнэхээр хүнд байна. Манай багийнхан үнэхээр сайн тоглосон. Бүх бололцоогоо дайчилж тоглосон гэдгийг хэлэх хэрэгтэй. Талбай дээрээ үнэхээр хангалтгүй тоглолт үзүүлсэн. Энэ тоглолтын дараа үнэхээр хүнд хэцүү байгаа ч манай багийнхан ямархуу хүчтэй вэ гэдгээ бас мэдэрсэн байх” гэж ПСЖ багийн ерөнхий менежер Карло Анчелотти ярьжээ. Тоглолтын дараа багийн эзэд түүнтэй уулзсан бөгөөд улирал дуусгаад Анчелотти ПСЖ-ээс явах тухай европын хэвлэлүүдээр бичиж байгаа ч энэ талаар тодорхой хариултыг Анчелотти өгөөгүй байна.