Туркийн агаарын тээврийн томоохон компани болох ”Turkish Airlines” АНУ-ын “Боинг” компаниас 95 онгоц худалдаж авахаар болжээ. Гэрээ ёсоор 2016 онд 20, 2018 онд 20, 2019 онд 15, 2020 онд 30, 2021 онд 10-ыг авснаар 95 онгоцыг бүрэн худалдаж авах юм. Эхний 20 загвар B737-800 байх бол дараагийн 65 загвар нь B737-8 MAX байх аж. Харин сүүлийн 10 загвар нь B737-9 MAX байх юм.

Туркийн агаарын тээврийн энэхүү томоохон компанийн үйлчлүүлэгч өнгөрсөн онд 39 саяар тоологдож байсан бол энэ жилийн төгсгөл гэхэд 46 сая болж өсөх аж. Мэргэжилтнүүдийн тооцоолж байгаагаар 2020 оны төгсгөл гэхэд 90 сая хүртэл өсөх юм байна. Өнгөрсөн долоон жилийн хугацаанд “Turkish Airlines” компани 18 тэрбум ам.доллартай тэнцэх хэмжээний тасалбар борлуулсан бол өнгөрсөн жилд л гэхэд 8 тэрбум ам.долларын тасалбар борлуулж чаджээ.