Японы технологийн их сургуулийн Майто Омари, Хикару Сугира, Кота Шинбаяаши гэх гурван оюутан хамтарч, ганцаардсан хүмүүст зориулсан “Хуурамч найз охин” нэртэй төхөөрөмж бүтээжээ. Уг төхөөрөмж нь өндөр технологийг ашигласан төдийгүй тун хөгжилтэй бүтээл болж чадсан хэмээн хүмүүсийн сонирхлыг маш их татаад байна.

Энэ нь ердөө чихэвч, хүрэм хоёрын хослол юм. Та чихэвчийг зүүгээд тоноглогдсон хүрмийг өмсөхөд таны чихэнд “хуурамч найз охин” тань үг шивнэж, таныг тэвэрч байгаа юм шиг мэдрэмжийг мэдрүүлэх гэнэ.

Найз охины тэврэлтийг мэдрүүлдэг уг хүрмээ тэд Riajyuu Coat гэж нэрлэсэн байна.