Словак улсад болсон гимнастикийн Олон улсын тэмцээнээс Монголын гимнастакийн сурагчид мөнгөн медаль хүртжээ. Гимнастикийн спорт үүсч хөгжсөний 60 жилийн ойг тохиолдуулан зохиогдсон энэхүү тэмцээнд Болгар, Их Британи, Унгар, Украйн тэргүүтэй гимнастикийн спорт хөгжсөн орнууд оролцсон байна.

Манай улсаас Чингэлтэй дүүргийн тавдугаар дунд сургуулийн Ш.Оюунчимэг багштай тавдугаар ангийн сурагч Г.Ганди, Б.Мөнхтулга, Б.Өүлэнзаяа нар ганцаарчилсан болон хосын төрөлд амжилттай оролцжээ. Тэд олон улсын тэмцээнээс мөнгөн медаль хүртсэн байна.  

Словак улсад болсон энэхүү хөдөлгөөнт гимнастикийн  тэмцээнд Ази тивээс зөвхөн Монгол Улс оролцсон нь манай улсын гимнастикийн спорт Олон улсын хэмжээнд өрсөлдөхүйц хэмжээнд хүрснийг харуулж байна.