Испанийн “Реал Мадрид” багийн ерөнхий дасгалжуулагч Жозе Моуриньог Адольф Гитлертэй адилтгасан зургийг “Сантьяго Бернабеу” цэнгэлдэхийн гадаа байрлуулжээ. Энэхүү зураг нь Испанийн эзэн хааны гэгддэг “Реал Мадрид” багийн хөгжөөн дэмжигчид төдийгүй дэлхийн томоохон хэвлэлийнхний анхаарлыг татаад амжжээ. “Онцгой нэгэн”-ийг Гитлертэй харьцуулсан энэхүү зурагт “Heil Mou” гэж бичжээ. “Heil” гэдэг нь нацистуудын ёсолгоо аж. 

Моуриньо “Аваргуудын лиг”-ийн шөвгийн дөрөвт шалгарахын төлөөх шийдвэрлэх тоглолт хийхээр багийнхаа тамирчдын хамт Туркийн Станбул хотноо ирээд байна. Энэхүү тоглолт өнөө шөнө 02:45 цагаас Туркийн Станбул хотын “Турк телеком Арена” цэнгэлдэхэд болно.