МСБХ-ноос өнгөрсөн сард зохион байгуулсан 10 сая төгрөгийн шагналын сантай халз тоглолт сагсан бөмбөг сонирхогчдын хүлээлт байсан гэдгийг Спортын төв ордныг битүү дүүргэсэн үзэгчид гэрчилнэ. МСБХ-ны дээд лигийн гурван удаагийн аварга “Хасын хүлгүүд”, шилдэг бүрэлдэхүүнтэй “Танан гарьд” багууд дөрвөн үеийн турш эн тэнцүүхэн халз өрсөлдөж 70:65 харьцаатай “Танан гарьд” багийн ялалтаар тоглолт өндөрлөсөн.

Тэгвэл өчигдөр ялагчид шагналаа гардан авсан байна. МСБХ-ны ерөнхий нарийн бичгийн даргга Б.Оргил, халз тоглолтын ерөнхий ивээн тэтгэгчээр ажилласан “Тэнгэр даатгал” ХХК-нйи үйл ажиллагаа хариуцсан захирал Д.Энэбиш нар “Танан гарьд” багийг хүлээн авч уулзан, багийн ахлагч ОУХМ Г.Ихбаярт халз тоглолтын нийт шагналыыг албан ёсоор гардуулж өгсөн байна.