УИХ дахь Ардчилсан намын бүлэг хуралдаж дууслаа. Бүлгийн хуралдаан өчигдөр болох байсан ч УИХ-ын сонгуулийн 26 дугаар тойрогт болох нөхөн сонгуулийн зардал, Ерөнхийлөгчийн сонгуулийн зардлын хэмжээг тогтоох тухай асуудлын хүрээнд Засгаас тодорхой мэдээлэл авах шаардлага гарсан ч Ерөнхий сайд Н.Алтанхуяг Бурхан халдун уул руу яваад 70 хүний хамтаар цасанд боогдсон. Энэ явдлаас болж Хууль зүйн сайд Х.Тэмүүжин Хэнтий аймгийг зорьж шуурхай үйл ажиллагаа явуулж байсан зэргээс шалтгаалж ээлжит хуралдаанаа нэг хоногоор хойшлуулахаас аргагүй болж өнөөдөр хуралдааныг хийсэн гэдгээ бүлгийн дарга Д.Эрдэнэбат сэтгүүлчдэд мэдээлэл хийх үеэрээ онцоллоо.

Энэ удаагийн хуралдаанаар гишүүд Засгийн газрын үйл ажиллагаатай холбоотой асуудлын хүрээнд хэд, хэдэн чухал асуудлыг хөнджээ. Үүн дотор “Эрдэнэт” үйлдвэрт шалгалт оруулж зардал нь яагаад зэсийн үнэ өсөх бүрийд өсөв гэдгийг нягтлан шалгах ёстой гэж үзсэн байна. Мөн ОХУ-аас төмөр замын асуудлаар илгээсэн захидал Ерөнхий сайдад ирээгүй байхад “Өнөөдөр” сонинд хэвлэгдсэн зэрэг асуудлыг цагдаа, тагнуулын байгууллагынхан шалгаж нягтлах ёстой гэсэн зүйлийг ярьжээ. Мөн Н.Алтанхуягийн танхим буюу Засгийн газар тогтвортой ажиллах шаардлагатай. Хэн нэгний тоглолтоос болж Засгийн газар огцрох ёсгүй гэж үзсэн тухай мөн тэрээр мэдэгдлээ.

Дэлгэрэнгүй мэдээллийг эргэж хүргэх болно.