“Америкийн шүтээн” шоунаас дуу хөгжмийн ертөнцийн карейраа амжилттай эхлүүлсэн дуучин Адам Ламберт удаан хугацаанд үерхсэн найз залуу Саули Коскиненээс салахаар шийдсэн тухайгаа мэдэгджээ. Хосууд 2010 оноос болзож эхэлсэн бөгөөд Адам гейчүүдийн нэгэн сэтгүүлд энэ тухай мэдэгдсэн байна.

Тэрээр “South Florida Gay News”-д “Саули бид хоёр салахаар шийдсэн ч сайн найзууд хэвээр үлдэх болно. Бидний хооронд ямар нэг үл ойлголцол гараагүй ч хэн хэн нь уран бүтээл, өөрсдийн карейрийг нэгдүгээрт тавьсан болохоор ийм шийдвэр гаргасан. Түүнтэй байсан цаг мөчийг би хэзээ ч мартахгүй. Учир нь бид маш гайхалтай хосууд байсан. Энэ талаар найзууд маань ч бидэнд өмнө нь хэлдэг байсан” гэжээ.

Поп, поп-рок урсгалаар уран бүтээлээ туурвидаг Адамын “Whataya want from me” дуу нь түүнийг хөгжмийн ертөнцөд ихээхэн нэр хүндийг олоход хамгийн их нөлөөлсөн уран бүтээлүүдийнх нь нэг болсон юм. Тэрээр энэ онд “We Are Glamily“ нэртэй аялан тоглолтоо хийхээр төлөвлөж байгаа гэнэ.