Хятадын Гуйжоу мужид орших нүүрсний уурхайд өнгөрсөн баасан гаригт үерийн улмаас нуралт үүсч, хэсэг уурхайчин нурагид даруулсан байна. Харин нурагид даруулсан уурхайчдаас өнөөдөр буюу даваа гаригийн өглөө гурвыг нь эсэн мэнд аварч гаргасан тухай Синьхуа агентлаг мэдээлжээ.

Хятадын албаныхны мэдээлснээр аврах албаныхан уурхайчдыг нурангид даруулснаас хойш 60 цагийн дараа авран гаргаж, эмнэлэгт хүргэсэн байна. Түүнчлэн нүүрсний уурхайд нуралт үүссэний улмаас гурван хүн нас барж, өөр гурван уурхайчин ор сураггүй болоод байгаа аж. Одоогоор энэхүү хэрэгтэй холбоотойгоор цагдаа нар найман хүнийг баривчлан шалгаж байгаа гэнэ.